თუშეთის გზაზე, თორღვას აბანოს მიმდებარე ტერიტორიაზე „ლენდკრუიზერის“ მარკის ავტომობილი დაახლოებით 60 მეტრის სიმაღლიდან ხრამში გადავარდა. ავტომობილით ისრაელის მოქალაქეები მგზავრობდნენ. ისინი თუშეთიდან ბარში ბრუნდებოდნენ. შემთხვევის შედეგად 5 და 10 წლის ბავშვები ადგილზე დაიღუპნენ, საავადმყოფოში არიან გადაყვანილები მათი მშობლები, ასევე 7 და 11 წლის ბავშვები.

8 ოქტომბერს, საპარლამენტო არჩევნების კენისყრის დღეს, პანკისის სათემო რადიო WAY ახალ ამბებს დილის 9 საათიდან საათში ერთხელ, ყოველ სრულ საათზე შემოგთავაზებთ.

საქართველოს სოფლის მეურნეობის სამინისტრო სპეციალურ განცხადებას ავრცელებს, რომლის მიხედვითაც სამინისტროსთვის მეცხოველეობის, მათ შორის მეცხვარეობის დარგის განვითარება ერთ-ერთი პრიორიტეტული მიმართულებაა და შესაბამისად, შემუშავებულია დარგის განვითარების ხელშეწყობის გეგმა.

ჯანდაცვის სამინისტრო 100 000-მდე სარეიტინგო ქულის მქონე, სოციალურად დაუცველი ოჯახების 6-23 თვის ასაკის ბავშვებისთვის საკვები მიკროელემენტების გაცემას იწყებს. სახელმწიფომ 13 000 ბავშვისთვის სულ 78 000 კოლოფი (2 340 000 პაკეტი) შეიძინა.

24 სექტემბერს თბილისში ჩატარდა პროფესიონალური ტურნირი M-1 -ში, სადაც საქართველოს სხვადასხვა რეგიონების სპორტსმენები მონაწილეობდნენ. ტურნირში მონაწილეობდა პანკისელი ასლან გორგიშვილი, რომელმაც 77 კილოგრამ წონით კატეგორიაში სამრაუნდიანი დაძაბული ორთაბრძოლის შემდეგ გიორგი ლელაშვილი დაამარცხა.

კავკასიური კონფლიქტების კორესპონდენტი, მწერალი და ჟურნალისტი თომას გოლცი საქართველოს მწერალთა სახლში, 27 სექტემბერს შეხვედრას გამართავს, სადაც ისაუბრებს ჩეჩნეთის 1995 წლის ომის გაშუქების შესახებ და მიმოიხილავს, თუ რა გავლენა აქვს რეგიონალურ კონფლიქტებს საქართველოზე.