პანკისის ხეობაში ჩატარებული სპეცოპერაციის დროს სასიკვდილოდ დაჭრილი თემირლან მაჩალიკაშვილის ოჯახი განმარტებას აკეთებს მალხაზ მაჩალიკაშვილის განცხადებასთან დაკავშირებით, რომლის მიხედვითაც, თუ დამნაშავეები არ დაისჯებიან, „საქართველო პანკისის ხეობას დაკარგავს“. ოჯახი განმარტავს, რომ ეს განცხადება ხელისუფლების მიმართ ხეობის ნდობის პრობლემას უსვამს ხაზს. 

ადამიანის უფლებების სწავლებისა და მონიტორინგის ცენტრი (EMC) თემირლან მაჩალიკაშვილის სიცოცხლის ხელყოფის საქმეზე პროკურატურას მიმართავს და მოითხოვს 26 დეკემბერს სოფელ დუისში ჩატარებული დაკავების ოპერაციის კანონიერების და მისი დაგეგმვისა და განხორციელების ეტაპზე ძალის გადამეტებისა და უფლებების დარღვევის რისკების მინიმიზაციის გეგმის, ასევე თემირლან მაჩალიკაშვილისთვის აღმოჩენილი სამედიცინო დახმარების დროულობისა და ადეკვატურობის შეფასებას.

პანკისში ჩატარებული სპეცოპერაციის დროს სასიკვდილოდ დაჭრილი თემირლან მაჩალიკაშვილის მამა, მალხაზ მაჩალიკაშვილი სახელმწიფო უსაფრთხოების სამსახურის უფროსთან, ვახტანგ გომელაურთან შეხვედრას ითხოვს.

„ლეიბორისტული პარტიის“ ლიდერი შალვა ნათელაშვილი პანკისის ხეობაში ჩატარებული სპეცოპერაციის შედეგად 19 წლის თემირლან მაჩალიკაშვილის გარდაცვალების გამო,  სახელმწიფო უსაფრთხოების სამსახურის უფროსის, ვახტანგ გომელაურის გადადგომას ითხოვს. შალვა ნათელაშვილის განცხადებით, ვახტანგ გომელაურმა სპეცოპერაციის შედეგებზე პოლიტიკური პასუხისმგებლობა საკუთარ თავზე უნდა აიღოს.

სახელმწიფო უსაფრთხოების სამსახურში, ახმედ ჩატაევის საქმესთან დაკავშირებით პანკისის ხეობიდან მოწმის სახით დაბარებული სამი ახალგაზრდის დაკითხვა დასრულდა.

16 იანვარს, საქართველოს სახალხო დამცველი ნინო ლომჯარია, სახალხო დამცველის მოადგილე ეკატერინე სხილაძე და აპარატის თანამშრომლები პანკისის ხეობაში შეხვედრებს გამართავენ.

„მაჩალიკაშვილის საქმე თავისი მნიშვნელობით სცილდება რომელიმე ყოფით შემთხვევას. ეს ძალიან მნიშვნელოვანი საქმეა და ხელისუფლებას უნდა ჰქონდეს ნათელი და მკაფიო პოზიციები მათ შორის მოვლენების შესაძლო განვითარებასთან დაკავშირებით“, - განაცხადა ახალგაზრდა იურისტთა ასოციაციის თავმჯდომარე სულხან სალაძემ პანკისში, დუისის მეჩეთში სალაფიტური თემის წარმომადგენლებთან გამართული შეხვედრის დასრულების შემდეგ.

„მაჩალიკაშვილის საქმე - ეს არის ჩვენი ხალხისთვის ძალიან მნიშვნელოვანი საკითხი. მაჩალიკაშვილის ოჯახმა დასაკარგი უკვე დაკარგა, ფაქტობრივად მაგათ დასაკარგი აღარაფერი აქვთ. ეს არის თითოეული ჩვენგანისთვის ბრძოლა, რომ ჩვენც არ დავკარგოთ ჩვენი შვილები და ახლობლები“, - განაცხადა პანკისის ხეობის სალაფიტური თემის იმამის წარმომადგენელმა მუსა პანკისელმა (მურაზი გოდერძიშვილი) დუისის მეჩეთში გამართული შეხვედრის შემდეგ.

პანკისში ჩატარებული სპეცოპერაციისას სპეცრაზმის მიერ თავის არეში სასიკვდილოდ დაჭრილი 19 წლის თემირლან მაჩალიკაშვილი დღეს სოფელ დუისის სასაფლაოზე დაკრძალეს. გარდაცვლილის მამა, ოჯახი და ხეობის მოსახლეობა პროკურატურისგან მკვლელობის ფაქტის სწრაფ და ობიექტურ გამოძიებას ითხოვს. უახლოეს დღეებში პანკისის მცხოვრებლები ხეობაში საპროტესტო აქციების გამართვასაც აპირებენ.

პანკისის ხეობაში სპეცოპერაციის დროს სპეცრაზმის მიერ სასიკვდილოდ დაჭრილი 19 წლის თემირლან მაჩალიკაშვილის მამა, მალხაზ მაჩალიკაშვილი სპეციალური დანიშნულების რაზმის იმ წევრის დასჯას ითხოვს, ვინც მის შვილს საძინებელ ოთახში ესროლა. მალხაზ მაჩალიკაშვილი სახელმწიფო უსაფრთხოების სამსახურის იმ წარმომადგენლების დასჯასაც ითხოვს, რომლებმაც სპეცოპერაცია დაგეგმეს.