არასამთავრობო ორგანიზაცია „სამოქალაქო აქტივობების ცენტრი“ იწვევს პანკისის ხეობაში, თუშეთსა და ფშავ–ხევსურეთში მცხოვრებ ახალგაზრდებს გიდების მოსამზადებელ კურსში მონაწილეობის მისაღებად.

ლანა გუნაშაშვილი პანკისის ხეობიდან არის. ლანამ წელს დაამთავრა ბირკიანის საჯარო სკოლა. ის ახლაც მღერის და მომღერლობას აპირებს მომავალშიც, თუმცა კონსერვატორიასთან ერთად, ჟურნალისტიკის ფაკულტეტზე სურს სწავლის გაგრძელება.

სირიაში საქართველოს კიდევ ერთი მოქალაქე, პანკისის ხეობის სოფელ დუისის მკვიდრი 25 წლის მუხმად ბაღაკაშვილი დაიღუპა. ინფორმაცია მისი გარდაცვალების შესახებ ოჯახის წევრებს პანკისში 05 ივნისს, გვიან საღამოს შეატყობინეს.

სოფლის მეურნეობის მინისტრმა, ლევან დავითაშვილმა, აშშ-ის საერთაშორისო განვითარების სააგენტოს მისიის დირექტორთან, დაგლას ბოლისთან და კახეთის გუბერნატორთან, ირაკლი ქადაგიშვილთან ერთად, პანკისის ხეობაში, ქვემო ხალაწანიში USAID-ის პროექტის Zrda ფარგლებში შექმნილი სასათბურე მეურნეობა დაათვალიერა.

18 მაისს, თბილისში, მწერალთა სახლში ქისტური პოეზიის საღამო გაიმართება. ღონისძიებაში მონაწილე ქისტი და ქართველი პოეტები საკუთარი შემოქმედებიდან იმ ლექსებს წაიკითხავენ, რომლებიც საქართველოსა და ვაინახების შესახებ არის დაწერილი. ღონისძიება 15:00 საათზე დაიწყება.

სეტყვის საწინააღმდეგო სისტემიდან გასროლილი რაკეტის ნაწილი პანკისის ხეობის სოფელ ჯოყოლოში, გურიე ბორჩაშვილის ეზოში ჩავარდა. რაკეტა სეტყვასაშიში ღრუბლების დასაშლელად 8 მაისს, დილით, სოფელ საკობიანოდან გაისროლეს.

პანკისის სათემო რადიო WAY (ააიპ სამოქალაქო აქტივობების ცენტრი) აცხადებს ვაკანსიას საინფორმაციო გამოშვების წამყვანის პოზიციაზე.

პანკისის ხეობაში, მდინარე ალაზანზე, 5,4 მვტ დადგმული სიმძლავრის „ხადორი 3“ ჰესის მშენებლობისა და ექსპლუატაციის“ პროექტის გარემოზე ზემოქმედების შეფასების (გზშ) ანგარიშის საჯარო განხილვა 1–ელ ივნისს, ახმეტის გამგეობის შენობაში გაიმართება. განხილვა 12:00 საათზე დაიწყება და დასწრება ყველა დაინტერესებულ პირს შეუძლია.

ფაშიზმზე გამარჯვების დღესთან დაკავშირებით, 9 მაისს, პანკისის ხეობის სოფელ დუისში დოღი, სპორტული და კულტურული ღონისძიებები გაიმართება. ახმეტის გამგებლის მოადგილის მათე ქავთარაშვილის ინფორმაციით, ღონისძიებები 12:00 საათზე დაიწყება.

პანკისის ხეობის სოფლებში - ჯოყოლოსა და ბირკიანში საჯარო სკოლებთან მისასვლელი გზების მოასფალტების, ასევე ჯოყოლო-დუმასტურის ხიდთან მისასვლელი გზის მშენებლობისთვის სახელმწიფო ბიუჯეტიდან 262 471 ლარი გამოიყო.