ჩეჩნური დიასპორის წარმომადგენელი მექა ხანგოშვილი ხელისუფლებას მიმართავს, 22 ნოემბრის სპეცოპერაციის შედეგად ლიკვიდირებული პირების ცხედრები, რომელთა შორის ახმედ ჩატაევიც არის, პანკისის ხეობაში მცხოვრებ ქისტებს გადასცენ. „ეს ჩვენთვის ძალიან მნიშვნელოვანია. მთელი პანკისის ხეობის და ჩეჩენი ერის სახელით მივმართავ ხელისუფლებას, რომ მოხდეს ამ ცხედრების გადმოცემა ჩვენთვის“, - განაცხადა მექა ხანგოშვილმა ტელეკომპანია „იბერიის“ ეთერში.

პანკისის ხეობაში, სოფელ ჯოყოლოში შველი იპოვეს, რომელიც ბაწარის ნაკრძალში გაუშვეს. ჯოყოლოს მკვიდრის, ზელიმხან გუმაშვილის თქმით, მდინარე ალაზნის პირას შველი ძაღლებისგან გადაარჩინეს, რის შემდეგაც დაცული ტერიტორიების სააგენტოს დაუკავშირდნენ და ნაკრძალში გადაიყვანეს.

მედიით გავრცელებული ფოტოდან, რომელზეც აფეთქების შედეგად შეიარაღებული ჯგუფის ერთ-ერთი წევრის დანაწევრებული სხეულია ასახული, ახლობლებმა ახმედ ჩატაევი ამოიცნეს.

ახმეტის რაიონის სოფელ ბირკიანში მცხოვრებმა 11 წლის ძიუდოისტმა, ირაკლი ქავთარაშვილმა საბერძნეთის დედაქალაქში გამართულ საერთაშორისო ტურნირში მიიღო მონაწილეობა და პირველი ადგილი მოიპოვა. 40 კილოგრამ წონით კატეგორიაში მან ხუთი ორთაბრძოლა ჩაატარა, ფინალში კი გერმანელი მეტოქე დაამარცხა.

პანკისის სათემო რადიომ საქართველოს სახელმწიფო მინისტრის აპარატის და საქართველოს გაეროს ასოციაციის (UNAG) ერთობლივი ინიციატივით გამოცხადებულ მედიაკონკურსში „საქართველოს ეთნიკური მრავალფეროვნება“ გაიმარჯვა. პროექტი „მე და სახელმწიფო“, რომლის ერთ–ერთი გადაცემაც ვაინახების კულტურას და პანკისის ხეობის ტურისტულ პოტენციალს ეხება (ჟურნალისტი – ისლამ გორგიშვილი, წამყვანი – ნაზი დაქიშვილი), სამ საუკეთესო ნამუშევარს შორის მოხვდა.

„მე ნამდვილად ვხედავ პანკისის ხეობის განვითარებისთვის უდიდეს პოტენციალს. ეს იქნება სოფლის მეურნეობის, ენერგიის წარმოების და ასევე ტურიზმის განვითარების კუთხით. ამერიკის შეერთებული შტატები მზადაა მხარი დაუჭიროს ამ რეგიონის განვითარებას ექსპერტული, საკონსულტაციო დახმარებით თუ სხვადასხვა პროექტებით. პირადად მე ნამდვილად მჯერა, რომ ამ რეგიონს აქვს ნათელი მომავალი“, – განაცხადა საქართველოში აშშ–ს ელჩმა იან კელიმ პანკისის სათემო რადიო WAY–ს ეთერში. ელჩმა მონაწილეობა მიიღო გადაცემაში „მე და სახელმწიფო“.

როგორ აფასებს ადგილობრივი თვითმმართველობის არჩევნებს და სამთავრობო ცვლილებებს საქართველოში ამერიკის შეერთებული შტატების ელჩი? რა პოტენციალი აქვს პანკისის ხეობას განვითარებისთვის? როგორ უწყობს ხელს აშშ-ის საელჩო მეწარმეობაში ახალგაზრდებისა და ქალების მონაწილეობას?

ცეცხლსასროლი იარაღისა და საბრძოლო მასალის უკანონო შეძენა-შენახვა-ტარებისთვის მსჯავრდებული ნუგზარ ქავთარაშვილი, პროტესტის ნიშნად 37 დღეა შიმშილობს. ჯანმრთელობის მდგომარეობის გაუარესების გამო ქავთარაშვილი ციხის საავადმყოფოში გადაიყვანეს.

„ქალს განათლება არ სჭირდება“; „ქალმა ქმარს, ბავშვებს, ოჯახს უნდა მოუაროს“; „თბილისში სასწავლებლად გაშვებული გოგო პატიოსანი აღარ იქნება“, – პანკისში არსებული ამ სტერეოტიპების მიუხედავად, ბოლო ორი წლის განმავლობაში უმაღლეს სასწავლებლებში ხეობიდან უფრო მეტი გოგონა ჩაირიცხა (33), ვიდრე ბიჭი (19). სულ ამ პერიოდში ხეობის მასშტაბით საშუალო სკოლა 113–მა ახალგაზრდამ დაამთავრა.

გომბორის უღელტეხილთან მომხდარი ავტოსაგზაო შემთხვევის შედეგად ერთი ადამიანი დაიღუპა, ორი კი დაშავდა. ერთმანეთს პიკაპის ტიპის და „ვაზ-2107“-ის მარკის ავტომობილები შეეჯახნენ. გარდაცვლილი, 35 წლის მამაკაცი თელავის რაიონის სოფელ ყარაჯლიდანაა, ორი დაშავებული კი პანკისის ხეობის მკვიდრია.