პანკისის სათემო რადიოს მიერ რამდენიმე დღის წინ გამოქვეყნებულმა მასალამ, რომელიც ტრანსგენდერი ქალის ისტორიას ეხება, ხეობაში გარკვეული გაღიზიანება გამოიწვია, რაც სოციალურ ქსელებში დაპირისპირებისა და აგრესიის საფუძველი გახდა.

პანკისის ხეობაში სოფელ ჯოყოლოს მცხოვრებლებმა ჯოყოლო–დუმასტურის ხიდთან მისასვლელი გზა პროტესტის ნიშნად რამდენჯერმე გადაკეტეს. მდინარე ალაზანზე ხიდის მშენებლობა 2016 წლის ოქტომბერში დასრულდა, თუმცა ხიდამდე მისასვლელ გრუნტის ვიწრო გზაზე, მშრალ და მზიან ამინდებში ტრანსპორტის მოძრაობის გამო ისეთი მტვერია, რომ ადგილობრივებს საცხოვრებელი სახლების ეზოებსა და საკარმიდამო ნაკვეთებში გასვლაც უჭირთ. მოსახლეობა გზის მოასფალტებას ითხოვს.

პანკისის ხეობის სოფელ დუისში, სოფლად მცხოვრები ქალების საერთაშორისო დღისადმი მიძღვნილი ღონისძიება გაიმართება, რომელშიც მონაწილეობას მიიღებენ გაეროს განვითარების პროგრამის, სოფლის მეურნეობის და განათლების სამინისტროების, ფერმერ ქალთა ასოციაციისა და სასოფლო-სამეურნეო კოოპერატივის წარმომადგენლები.

ინგუშეთის მთავრობა 2017-2018 წლებში იაკების შეძენას და მთიან რეგიონებში გამრავლებას გეგმავს. სოფლის მეურნეობის მინისტრმა განაცხადა, რომ უახლოეს პერიოდში ინგუშეთში 200 სულ იაკს შეიყვანენ, მომავალ წელს კი 300-ს.

22 ოქტომბერს ახმეტის რაიონის სოფელ არგოხის იპოდრომზე ტრადიციული საშემოდგომო დოღი მოეწყობა. დოღი ორ დისტანციაზე, 3 ათასიდან და 6 ათას მეტრზე გაიმართება. გამარჯვებულებს ფულადი პრემიები გადაეცემათ.