ლაგოდეხის დაცულ ტერიტორიებზე და ბორჯომ–ხარაგაულის ეროვნულ პარკში ირმის მყვირალობის ტურები ოქტომბრის ბოლომდე გრძელდება. მონდომებულ ადამიანს შეუძლია არა მარტო მოუსმინოს ირმის მყვირალობას, არამედ „ფოტო ნადირობაც“ მოაწყოს, რადგან ამ პერიოდში თითოეულ ხართან, რამდენიმე ფურიცაა.

საქართველოს საგარეო საქმეთა სამინისტროს განცხადებით, კონგოს დემოკრატიულ რესპუბლიკაში ქართველი სამხედრო მფრინავის სოსო ოსორაულის ტყვეობის საქმესთან დაკავშირებით, ისინი აგრძელებენ მუშაობას ყველა შესაბამის საერთაშორისო ორგანიზაციასთან, ისევე როგორც ორმხრივ რეჟიმში კონგოს დემოკრატიული რესპუბლიკის მთავრობასთან.

ვგეგმავდით, ადგილობრივი თვითმმართველობის არჩევნების შემდეგ, პანკისის სათემო რადიოს საქმიანობის 2 წლის ანგარიში ხეობის მოსახლეობისთვის და გულშემატკივრებისთვის სხვაგვარად ჩაგვებარებინა, თუმცა შექმნილი ვითარებიდან გამომდინარე, საჭიროდ მივიჩნიეთ ახლა და ამ ფორმით გვესაუბრა რადიოს საქმიანობაზე. მასალა ვრცელია, მაგრამ ვისაც მართლა აინტერესებს რადიოს საქმიანობა, იმედი გვაქვს ბოლომდე წაიკითხავს.

პანკისის სათემო რადიო WAY-ს ვებგვერდზე 2017 წლის 12 ოქტომბერს გამოქვეყნდა სტატია სათაურით „პანკისიდან ევროპაში გაქცეული ტრანსგენდერი ქალის ისტორია“.

„სოფელში რომ მიმიყვანეს, სახლში ტანსაცმელი გამხადეს. თეთრი ნაჭერი შემომახვიეს და სასაფლაოზე ამიყვანეს. მკვდრის ლოცვა შეასრულეს. მერე ისევ სახლში დამაბრუნეს. მეორე დღეს დილით უნდა მოვეკალი ძმებს. იმ ღამით სარდაფში ჩამკეტეს. ღამის 4 საათი იქნებოდა, როცა დედა შემოვიდა, სარდაფიდან გამომიყვანა და მითხრა, გაიქეცი, არ შემიძლია შენს სიკვდილს ვუყუროო“ – პანკისის ხეობა იმავე ღამით დატოვა, ხუთი დღის შემდეგ კი საქართველოდან წავიდა. ახლა ის ევროპის ერთ–ერთ ქვეყანაშია და თავშესაფარს ითხოვს.

საგარეჯოს რაიონის სოფელ უჯარმაში მომხდარი ავარიის შედეგად 5 ადამიანი დაშავდა. ერთმანეთს „ოპელისა“ და „ლადას“ მარკის ავტომობილები დაეჯახნენ. დაშავებულებს შორის ოთხი პანკისის ხეობიდან არის. ისინი პანკისიდან თბილისის მიმართულებით გადაადგილდებოდნენ.